Hallelujajodler des bayrischen Zentrumsmannes
Forte mit Kopfstimme zu singen
Mir han de mehrer'n,
Mir han de schwerer'n,
All's hat an Zwirn,
Bal mir regier'n.
Mir san ma da!
Hallelu - -
Ridiridu - -
Halleluja!
Mir lassen s' schpringa,
All's muaß ins g'linga,
Mir san vaweg'n,
Dös muaß ma sehg'n,
Saukalt - ah! ah!
Hallelu - -
Ridiridu - -
Halleluja!
Allessamt frißt a,
Inser Minista,
Frißt aus da Hand.
Bal er aa zahnt,
Do sagt er ja!
Hallelu - -
Ridiridu - -
Halleluja!
Öfta san s' bärig,
Schaug'n aa scho g'hörig
Wild über d' Brill'n -
Do san s' ins z' Will'n!
Weil s' müass'n - ha! ha!
Hallelu - -
Ridiridu - -
Halleluja!
Mir tean im teuern
Vataland Bayern,
Was mir g'rad woll'n,
Mir san de g'schwoll'n
Bauerndada!
Hallelu - -
Ridiridu - -
Halleluja!